09:50h: Geschtär han - än grossä Fählär gmacht: Ich bin z'früä us dä Klinik uusträttä. - waiss nid, wiän - das widär guet machä chan. - wird wool zu dä Klinik z'ruggcheerä und väsuächä, dä Mönschä uf dä Schtation z'begägnä. 10:40h: S'Probleem isch, dass - z'fuul bin, s'Huus überhaupt z'välaa, wäni nid sowiso usä gaa mues. Nur wäni wägä öppis andäräm usäm Huus gaa, gangi au zur Klinik z'rugg. 15:01: Wiän - dä Fäälär widär uusbüglä, waiss - au nid. Morn widär än Klinikiitritt am Abig? Abär dänn ooni Muetär, nur mit ämä Koffär, won - sälbär hiitransportiär mit äm Bus (öffentlichä Vächeer)? Odär aifach meereri Bsüäch uf dä Schtation? Abär wiä lang chönd diä Bsüäch jewiils gaa? Äs sind meereri Lüüt, wägä dänä - widär z'rugg müesst.
09:50h: Was - miär au no vorgnoo han: Mini gsamti Biografii vo dä letschtä ainähalb Jaar uufzschriibä, da isch vill gloffä.
09:50h: Traum uf hütt: S'maischtä vägässä. Uf äm chliinä Fess, Schneebodä. Äs hät no Schnee ufäm Schneebodä. Immär widär d'Überleggig, wiäs wär, uf dä böösi Fess z'chlättärä. Blick uf dä böösi Fess und gsee, wiä gföörli s'wär, dött ufä z'chlättärä. Uf äm Schneebodä isch susch abär viläs nid so wiäs uf äm originalä isch, äs gsäät uus wiä ufärä Alp vill wiitär unä odär no tüüfär. Enttüüschig, dass Elektrizität dött obä isch, ich gsee ä Schtromlaiitig und äs suubä iizüünts chliis Chraftwärch odär ä Trafoschtation und das uf aigäntli ca. zwaituusig sibähundärt Metär. Bagger, Autos, alläs bis ufäm Schneebodä dobä. - find usä, dass öppis nid schtimmt, äs hätt Bäum bis uf dä chlii Fess, däbii isch dä Schneebodä uf zwaituusig sibähundärt Metär über Meer, so hööch obä wachsäd kai Bäum mee. Uf äm ganz Schneebodä wachsäd hochi Tannä. Sogar ganz obä uf äm Gipfel vom chlii Fess wachsäd no chliini Tännli.
(Möglich: scho lang nümä i dä Bergä gsy, drum "Ersatz" dur di andär Wandärigä i dä Niderigä)
Abschtiig i dä Gruppä. Wär wird zeersch d'unä sy (erinnäräd - an än Uusfluug, dä isch abär andärsch gsy, sozial). Wandärig übär braiti Schottär-Pischtä, wo tailwiis in unklarär Wiis meerfach väzwaigt sind, d'Fraag, wos jetz wiitär gaat. Au chlini "Untärfüärigä" untär dänä Schottärpischtä durä.
Jetz chunnt miär än wiitärä Traumtail widär in dä Sinn: "Pokärschpiil" odär so äänlich. Mini Gsamtsituation im Traum isch: Ich bin glifäräd, langfrischtig. - wird immär chränkär wärdä und schliesslich unagnääm ändä (Haim?, waiss äs nümä). - lauf väzwiifläd dur d'Gägänd, - bin im Baanhof iiquartiärt. Miin Scht.v. isch au no umäwääg und hät neui Fründ gfundä, wo a miär väbii laufäd, ooni - z'grüässä und nid nätt aaluegäd. - bin diräkt im Hauptbaanhof iiquartiärt, - wonn dött. - irr umänand (erinnäräd - a dää Samschtig) in uufgregtäm und liicht väzwiiflätäm Zueschtand. I dä I. (Namä vo ämänä Gschäft) chum - schliäesslich inä und wird vo ärä misstrauischä Vächöifärin aagschprochä. - väschtell -, und so passiärt nüüt, - bliib frei.
Am Schluss hämmer äs "Pokärturniär", ganz öppis komischs, organisiärät vom Vattär vo viär Männer, mit dänä - ä so äs "Pokärturniär" machä döff. Kai Aanig, was das gnau isch. So äs Art "Turniär" mit Chartä odär so äänlich, wos um seer vill Gäld gaat und mä günnt odär välüürt. Di andärä sind alli vill riichär als -, miin Iisatz bringt - somit an Rand vo dä Exischtänz. - möcht - dänn erkundigä, öb - würkli so vill Iisatz (vierzgtuusig Frankä) laischtä mues. - han au Angscht/Bedänkä, dass - z'wenig guet sy wird und nur scho drum välüürä wird. Alli sitzäd odär schtänd (befindät sich) in ainärä Raihä und däzwüschäd (zwüschäd dä Schpiilär) hätts Frauä, wo extra für das Turniär väpflichtät wordä sind. Jewiils rächts und links vo jedäm Schpilär häts ä Frau, zwüschäd zwai Schpilär also zwai Frauä und am rächtä und linkä Rand ai Frau. Jedä Schpilär isch also vo zwai "persönlichä" Frauä, wo nur für inn daa sind, umgää. Diä Frauä wärdät wiä "missbruucht", äs passt - nöd, wiä mit inä umggangä wird. Si müänd nachhär mit dänä Schpilär "mitgaa" und während äm Turniär für gueti Luunä sorgä. Für - (rächts vo -) hät - äs bsundärs schöni Frau "väpflichtät" (was aigäntli seer nätt gsy isch, sozsägä ä "Rücksichtnaam" uf -), - red mit irä, und säg irä wänn ich mich richtig erinnärä, was - nid guet an iärm Iisatz find. Äs isch dänn au tatsächlich so gsy, dass grad bim/nachäm erschtä Schpiilzug diä baidä Frauä, wo dä erschti Schpilär umgää händ, öppis schluckä händ müäsä, so öppis ähnlichs wiä Alkohol odär so äänlich, soz'sägä "um in luschtigi Schtimmig z'choo", das hät - nid passt. - han dänn au no Angscht ghaa, dass dä Sohn vo siim Vattär bevortailt wird, dä Tailnäämär, däm siin Vattär s'Turniär glaität hät.
Normol än Traumtail, vohär: Diskussion mit zwai riichä jungä Fründä (- waiss beraits, was mit - passiärä wird), d'Frau sait, sy würdi getrännt vo - in Uusgang goo (s'andärä hani vägässä, das isch aigäntli nur no äs Detail gsy), - bin abär immär no mit däbii, immär no Tail vo därä Wält vo riichä (und väwööntä) jungä Lüüt.
10:43: - han vohär o. und dänn s'Video "Journey through the Virgo Supercluster" gluegt. - fröög - jetz, wär diä Frau gsy isch, wo - bi dä Iiwiisig betreuit hät und sogar Notizä gmacht hät. Si hät gnau so uusgsee wiä dä "Bakteriä-." bzw. diä wiiblichi Person, wo i därä Vision vor dä Ussärirdischä choo isch.
10:48h: Jetzt han - grad gmärkt, dass - ä Visitächartä nümä han. Vämuetli wägä ämä Wächsäl vo dä Hosä. - han diä Visitächartä au nid fotografiärt. Dä ..... (Aazaal Pünkt schtimmt nid überain) hät miär diä Visitächartä gää mit äm Hiiwiis, äs segi ä wichtig Person, und jetz fäält - diä Visitächartä. - han au zum ..... sälbär kai Kontakt mee. Wo isch diä Visitächartä? Di andäri han - no. 15:02: Es regt - "extreem" uuf, dass - diä Visitächartä väloorä han, - hasi au nid als Smartphone-Fotti gschpaichäräd, si isch aifach wäg. Wo und wiä isch si väloorä ggangä? Däbii wär si so wichtig gsy. Hani si nid vo dä aintä i di andärä Hosä überägnoo?
10:51h: Im Momänt chan - -/miich nur no tröschtä mit äm Gedankä, dass .... sälbär das so wellä hät, dass - diä Visitächartä välüür, andärsch chan - -/miär söttigi Missgschick nid erchlärä. S'gliichä au mit äm värfrüätä Klinikuustritt.
15:11h: Ich han vorhär (vor ca. änärä Viärtläschtund) o., und zwar mit ämä Modekatalog, wo d'Muetär hät umäliggä laa (- han än interessanti Überleggig däbii ghaa, soz'sägä kompatibel mit alläm, was - bis jetz "erläbt" han; möchts doo abär im Momänt nid schriibä, - han dä Iidruck, das isch doch zu seer "persönlich" bzw. zu seer ä Zämäfassig vo däm, um das äs - gaat). Das hät dä "Vortail" ghaa, dass mäs (fräs) übärs Internet nid gsee het. Und trotzdem gib -s jetz diräkt im Blog zue. Warschlini wird - abär bald vägässä, was gnau dä Inhalt vo dä M.-F. gsii (odär gsy?) isch, vilicht sötti wenigschtäns d'Siitänummärä (Doppelsiitä) vom Modekatalog uufschriibä.
15:18h: - närvts im Momänt "seer", dass - im Momänt d'Melodii vo däm Liäd ("Song") nümä waiss, woni s'eerscht Mal än andärä Mönsch i dä "Seeläkommunikation" ghöört han (nach äm H., wo wesentlich früänär choo isch). Wiä isch diä Melodii scho widär gsy? - waiss nur no dä Namä vom Sängär, bin abär nid sichär, öb -'s würkli äs Liäd vo däm Sängär gsy isch.
17:40h: Han än andäri Melodii nid ufzaichnäd, diä hani jetz au grad vägässä, - hasi hüt im Fitnesscenter ghöört und z'lang gwartät mit uufzaichnä.
17:42h: Hüt hani d'Main Page restored, s'hätt beraits viär Bsüäch druf sitt hüt. - waiss nid, was - mit därä Siitä gnau machä söll. Söll - si aifach widärherschtellä und uf Schwyzertüütsch kommentär däzue tue ("mini hüttigi Sicht")? Odär au zuesätzlich uf Änglisch?
17:42h: Han miär soebä überlait öbi d'Location äddä (hinzuefüegä) söll, das isch - abär z'haikäl, im Momänt.
No comments:
Post a Comment